> For the complete documentation index, see [llms.txt](https://adiblar.gitbook.io/adiblar/llms.txt). Markdown versions of documentation pages are available by appending `.md` to page URLs; this page is available as [Markdown](https://adiblar.gitbook.io/adiblar/zulfiya-isroilova/shu-kunlarda-bahorga-zorman.md).

# Shu kunlarda bahorga zorman

Shu kunlarda bahorga zorman, 

Navjuvonlik o‘ti tanda yo‘q. 

Kuz singari za’far ruxsorman, 

Mevalar ham shoxlardan uzuq.

Shu kunlarda bahorga zorman, 

Tanxastalik ezadi ruhim. 

Tanho emas, qatorda borman, 

Yana neni izlaydi suqim?

Shu kunlarda bahorga zorman, 

Shaffof, yorqin kuy tilar ko‘ngul. 

Yaxshiyamki, qalamga yorman, 

So‘zlab turar bor dilimni ul.

Shu kunlarda bahorga zorman, 

O’z bahorim kabi bemisol. 

Bahor qaytmas, yonuvchi qorman, 

Yo no‘noq qo‘l butagan nihol.

Shu kunlarda bahorga zorman...